🎁 😰
「想為朋友親手製作一份 有自己溫度手感的禮物，但無從入手？」
🌸 🤦🏻♀️
「想試玩押花但手殘，有難度？」
🗓️ 🤯
「諗緊Weekend有冇好玩又有益既節目？」
押花放題？Jamming 新體驗
拒絕沉悶上堂 - 俾你 100% 自由創作空間！
全港首創「放題式」押花手作體驗，無需基礎，可在2-3小時內無限量任選過百款乾花，隨心拼貼，親手製作並帶走你的專屬押花大作。
😎
新手無壓力
無傳統上堂嗰種嚴格規矩。導師只會從旁協助，真正零壓力創作，輕鬆體驗押花樂趣。
🎁👍🏼
製作專屬禮物
無論係生日、紀念日定散水禮物，親手整嘅心意永遠最無價，收到嘅人實 Feel 到你嘅誠意。
😍
零基礎包保底
就算毫無藝術細胞，大自然嘅花材點拼都靚，保證滿載而歸！
🌹🌺🌸
無限量花材放題
數十款靚靚押花任揀任用，唔使就住就住，鍾意邊朵夾邊朵！
⏱️
極速流暢起貨
依項目分級配備足夠時間，就算平時幾手殘，都可以輕鬆兩小時完成作品。
🕺👯♀️🕺
同行朋友 各有各玩
你整畫框、佢整木盒，大家可以揀唔同項目，唔使勉強夾同一款。
🥂
放假消遣好去處
輕音樂配小茶點，無論係閨蜜約會定係自己一個放空都非常適合。
🥂 私人包場服務
Private Flower Jamming
想同好姊妹搞 Bridal Shower、生日派對或者團隊Team Building？我哋提供Private Jamming包場服務，讓你興同伴獨享全場，製造難忘時刻！
-
自訂時間：包場日子及具體時間可自訂，完美配合你的活動行程。
-
私人空間：盡享專屬空間與無打擾的導師協助
-
靈活收費：包場設最低消費，實際金額將以出席人數及所選擇的項目計算，沒有其他隱藏收費。
客人真實評價
★★★★★
「第一次玩押花，估唔到出嚟效果咁靚！氣氛好 Chill，花材多到眼花撩亂。可以同朋友一齊玩，大家可以揀整唔同嘅成品，不用遷就，正！」
- Sara L
★★★★★
「好療癒的過程
花材選擇又多又靚
導師用心教導」
- Cathy
★★★★★
「我覺得工作坊的環境舒適，花的款式選擇足夠。
能做出自己感到滿意的作品，做手工的感覺怡然，有放鬆心情的效果呀！」
- Vienna
心動不如行動：預約 3 步曲
網上系統揀選
日期及時段
🗓️
網上電子預付全數費用留位
💳
準時出現
盡情享受 Jamming！
🔔
FAQ
Q1: 完全無手作經驗、自問「手殘」玩唔玩到？
絕對玩到！大自然嘅花材本身點拼都好靚。現場唔會有傳統上堂嘅拘束，導師會喺適當時候提供在場協助。加上有過百款花材俾你慢慢試配搭，保證 100% 成功帶走令你驕傲嘅精緻作品！
Q2: 如果我揀整押花手機殼，需要自備殼過嚟嗎？
小店可以為客人代購近幾代型號 iPhone 手機殼；除此以外，客人須自備一個「全新 、透明嘅硬質手機殼」來創作。如需我哋代購 iPhone 殼，請務必於活動前 10 日聯絡我們確定型號，以便我們提前準備啊！
Q3: 網上預約時就要決定整邊個作品嗎？現場可唔可以臨時變更？
為了幫大家預先準備充足嘅底材（例如精緻嘅玻璃首飾盒、特定大細嘅畫框），預約時需要先選定體驗項目喔！
Q4: 可以自己帶私伙物品過嚟加押花上去嗎？（例如：自備保溫瓶、銀包等）
抱歉，小店不接受客人自備私伙物品過嚟加押花啊。 由於唔同器皿嘅材質表面對專用膠水嘅附著力都唔同，使用非小店提供嘅底材，好難確保成品質素。希望大家體諒，現場我哋已經準備咗好豐富又高質量嘅底材任君選擇！
Q5: 話明「花材放題」，用唔晒嘅花材可唔可以打包帶返屋企？
現場所有乾花都歡迎大家喺體驗時間內「無限量任用」，但唔可以當作原材料單獨打包帶走啊。我們提倡溫柔對待植物，建議以「少拿多次」為原則，一齊減少浪費！❤️
Q6: 整完需要等佢乾嗎？定係可以即日帶走？
可以即日即時帶走！ 我們採用特製嘅快速乾燥技術或 UV 樹脂固化，最後還會為你附送小店專屬嘅精美包裝袋，整完即刻可以拎去打卡，或者直接送禮！
Q7: 押花成品可以保存幾耐？擺耐咗會唔會變色？
由於我們全場使用 100% 真花製成的乾花，植物含有天然色素，隨住時間流逝、陽光照射同空氣濕度變化，花瓣顏色會漸漸變成復古、帶有歲月感嘅琥珀色調，呢個正正是大自然真花嘅獨特美感。 建議將作品擺放在乾燥、避免陽光直射嘅地方，質感可以維持得更持久。
Q8: 如果我整得太慢，指定時間內整唔切點算？可以加時嗎？
放心，我們每個 Level 預留嘅時間（2 至 3 小時）對新手來講都非常充裕。但如果你想慢工出細活、精雕細琢，只要下一時段未滿座，現場可以彈性安排加時，收費為 $50 / 30分鐘。
Q9: 臨時有 事去唔到，可以退款或者改期嗎？遲到點計？
由於店面座位極其有限，所有位置一經確認及付款，恕不設任何退款。
改期：如計劃有變，請務必於原定預約時間最少 24 小時前通知我們，即可為您安排在一個月內免費改期一次（只限更改一次）。24小時內的突發更改或臨時缺席恕不受理。
遲到：為免影響下一場次客人的空間體驗，遲到者的結束時間將維持不變。建議客人可早15分鐘到達教室，準時開始享受手作樂趣。
Q10: 朋友唔想整，可以只係坐喺度陪我，或者幫我拍片打卡嗎？
小店空間有限，總共只有 8 個座位。為了保障所有付費客人都坐得寬敞舒服，我們只招待已登記付款的參加者，謝絕非體驗者同行、旁聽或逗留。不過，我們現場會免費提供手機腳架，兩手空空都可以自己拍到超治癒嘅縮時（Time-lapse）影片！
Q11: 小朋友可以參加嗎？幾多歲適合？
由於活動會使用到細小鑷子及專用膠水，需要一定的專注力。我們歡迎年滿 8 歲或以上 嘅小朋友參加。收費與大人同價（按所選項目計），亦需佔用一客座位。12 歲以下兒童建議由已付費的家長陪同，一人整一件作品，過一個高質素嘅親子 Weekend！